Dje në selinë e Ministrisë së Punës dhe Politikës Sociale ministri, z-ri Xhelal Bajrami realizoi një takim pune me zv.ambasadoren e Spanjës në Maqedoni, zonjën Marija Anheles Garsia de Lara dhe me zonjën Suzane Shmid, konsull dhe këshilltare e Ambasadës së Austrisë në Republikën e Maqedonisë.

Duke pasur parasysh faktin që Spanja është kryesuese e BE-së, gjatë këtij takimi u theksua se Spanja është e gatshme të japë përkrahje dhe ndihmë dhe, nëse është e nevojshme, edhe ndihmë të caktuar teknike konkrete dhe se ambasada e Ambasada e Spanjës është e hapur për bashkëpunim të mëtutjeshëm.

Po ashtu, në këtë takim u theksua që Ambasada e Spanjës së bashku me Ambasadën e Austrisë në bashkëpunim me institucionin FIA deri më tani kanë implementuar 236 projekte. Momentalisht punojnë në një projekt të ri që ka të bëjë me përkrahjen evropiane të resurseve njerëzore, projekte këto që mbulohen nga IPA fondet.

Ky projekt do të prezantohet në Komisionin Evropian dhe gjatë kësaj është theksuar se do të jetë e dobishme që në prezantim të marrin pjesë edhe përfaqësues të Ministrisë së Punës dhe Politikës Sociale.

Për vazhdimin e bashkëpunimit edhe për projekte dhe çështje tjera nga sfera që i mbulon Ministria e Punës dhe Politikës Sociale, në këtë takim u shkëmbyen mendime dhe informacione sa u përket projekteve të këtilla.

Përfaqësuesit e ambasadave kanë kërkuar nga ministri Bajrami që t’i informojë lidhur me aktivitetet që kanë të bëjnë me sjelljen e Ligjit të ri për parandalim dhe mbrojtje nga diskriminimi.