Në presskonferencën e sotme të mbajtur nga Sekretari i përgjithshëm i Bashkimit Demokratik për Integrim, z. Abdilaqim Ademi, në seli të partis në Tetovë, u sqarua koncepti i takimeve me qytetarët dhe qëndrimi i BDI-së për temat aktuale.

Për takimet me qytetarët Ademi tha: “Në funksion të njoftimit të qytetarëve me zhvillimet në shoqëri dhe e përcaktuar për qeverisje transparente, kryesia e BDI-së Ju fton për pjesëmarrje në takimet që do të organizohen në selit e komunave dhe të degëve partiake çdo të shtune nga ora 11:00 deri 14:00, duke filluar prej kësaj të shtune, 06 shkurt, 2010.

Takimet me ministra, zëvendësministra, deputetë, drejtorë, kryetarë komunash, këshilltarë dhe funksionarë të tjerë partiak e shtetëror janë mundësia më e mirë për njoftim me rrjedhat në shtet. Janë mundësi për të paraqitur drejtpërdrejtë problemet, vërejtjet, sugjerimet, propozime, ide e mendime për përmirësimin e jetës së përgjithshme të qytetarëve.

Ftojmë qytetarët për pjesëmarrje në këto takime ku drejtpërdrejt mund të paraqesin problemet dhe mendimet e tyre për zhvillimet e shoqërisë.

Takimet do të mbahen në këto komuna:

Aktiviteti qe paralajmerohet ne këtë  press, është  rezultat i konkluzoineve të Kongresit të partisë dhe konceptit të aktivitetve të miratuar nga Kryesia Qendrore e BDI-së.
Qëllimi i këtij aktiviteti është njoftimi më i përafërt i opinionit të gjërë lidhur me situatën në RM si në planin politik dhe atë ekonomik;

Nga ky aktivitet presim krijimin e një ambienti interaktiv mes strukturave udhëheqëse të BDI-së dhe anëtarësisë, simpatizantëve por dhe qytetarëve në përgjithësi, ambient ky I cili do të ndihmoj në krijimin e një strategjie të re partiake drejt implementimin më të eksplicit të përcaktimeve tona programore.

Këtë e themi përshkak se nga këto takime, jo vetëm që do të informojmë qytetarët për zhvillimet në proceset e ndryshme në vend, por presim që të marrim njeë feedback ( informatë kthyese ) nga qytetarët lidhur me problemet me të cilat ato ballafaqohen  në jetën  e përditshme, perceptimi I tyre lidhur me zhvillimet në vend e sidomos lidhur me punën e bartësve të funkcioneve të ndryshme të propozuar apo emëruar nga ana e BDi-së në të gjitha nivelet I institucioneve të sistemit .

BDI-ja pas këtij aktiviteti, nuk do të përfundoj me këtë – do të krijojmë një mekanizëm real për komunikim permanent me qytetarët, me të vetmin qëllim – zgjidhja e cështjeve me të cilat ballafaqohen qytetarët në jetën e përditshme.”

Duke u përgjigjur në pyetjet e gazetarëve për temat aktuale politike, sekretari i përgjithshëm I BDI-së, z.Abdilaqim Ademi, dha këto përgjigje për pyetjet konkrete:

1. për zgjedhje të parakohshme ? 

Kjo nuk është përgaditje për zgjedhje apo ndonjë fushatë parazgjedhore
Qëndrimi i BDI-së   lidhur me këtë cështje është i prerë –BDI-ja nuk i ikën verdiktit të popullit – këtë e dëshmuam edhe 2008 kur edhe pse kishim shumicën e deputetëve në parlamentin republikan, kërkuam që edhe njëherë të marrim legjitimitetin e përfaqësimit të shqiptarëve në organin ekzekutivë – por në këtë moment, sipas mendimit tonë, kur jemi në prag të përfundimit të procesit të integrimit të vendit tonë në intergrimet evroatlantike, zgjedhjet do të ishin vetëm një ngadalsim I këtyre proceseve .

2. për mësimin e lëndës së gjuhës maqedonishte nga klasën e parë?

E kemi thanë më shumë herë dhe është e qartë se jemi në vijë të njejtë më atë që propozon dhe përkrah bashkësia ndërkombëtare dhe që ishte konkluzë e qeverisë e jo me vendimin e ministrisë së arsimit i cili në mënyrë parcijale i qaset implementimit të strategjisë së propozuar nga bashkëisa ndërkombëtare.

3. për incidentet e fundit dhe ndikimi i tyre në marrëdhënjet ndëretnike?

Incidentet e izoluara mos përdoren për politik ditore ose pika të panevojshme politike se kjo do të kthehet si boomerang – në suaza të këtij aktiviteti që paralajmërojmë, por dhe aktiviteteve tjerë do të bëjmë cmos në drejtim të avancimit të mëtutjeshëm të këtyre marrëdhënieve në vend .