Zëvendës kryetari i Qeverisë së RM-së Abdilaqim Ademi sot ka deklaruar se për ministrat e BDI-së të gjitha institucionet ndërkombëtare relevante në vend janë partnerë duke vlerësuar se këshillat e tyre bëhen me qëllim të mirë dhe ndihmojnë vendin në procesin eurointegruese.
 
“Gjitha organizatat ndërkombëtare, ambasadat, gjithë komuniteti ndërkombëtar që është në Maqedoni, për ne janë partnerë dhe sugjerimet dhe gjitha këshillat që ne na japin duhet të konsiderohen si këshilla qëllimmira të cilat neve na ndihmojnë për të ecur përpara dhe ndihmojnë Maqedoninë në proceset euroatlantike.Ne i konsiderojmë partnerë tanë të rëndësishëm pa të cilët ndoshta edhe nuk do të mund të ecim përpara.Mendoj se nuk humbet kredibiliteti veçanërisht me përmbajtjen e asaj letre sepse ajo jep sugjerime të qarta se si duhet të ecet përpara dhe si duhet të konsulltohen të gjithë faktorët në vend”, tha zëvendëskryeministri Ademi.

Ai konfirmoi se letrën e Komisionerit të OSBE-së e ka marrë gjatë ditës së djeshme dhe se me herët në kabinetin e tij nuk ka arritur një letër e till.